برنامج
وقتي
قسّم مهامك الكبيرة لخطوات صغيرة، وخلّي العدّاد يمشي معاك
قريباً
ويندوز
قريباً
أندرويد
قريباً
آيفون / آيباد
المميزات
- خطوات جوه خطوات لأي عدد مستويات
- عدّاد لكل خطوة ومنبّه لما الوقت يخلص
- غفوة أو انتقال أوتوماتيك للخطوة الجاية
- ترحيل الباقي لبكرة بضغطة
- تقرير آخر اليوم: خلصت إيه وصرفت كام
- بيشتغل من غير إنترنت وبياناتك على جهازك
الشرح
«وقتي» بيساعدك تخلّص الحاجات الكبيرة اللي بتأجلها. بتكتب المهمة وتقسّمها لخطوات صغيرة، وتحدد لكل خطوة وقتها. وبعدين تدوس تشغيل وتسيب البرنامج يمشي معاك خطوة بخطوة.
خطوة بخطوة
- اكتب مهمة كبيرة وحدّد وقتها، مثلاً: «أذاكر الفصل التالت — ساعتين».
- قسّمها لخطوات صغيرة بزرار ➕، وكل خطوة ليها وقتها. وتقدر تقسّم الخطوة نفسها لخطوات أصغر.
- دوس ▶ على أي خطوة. العدّاد هيبدأ، والخطوة هتظهر في «كارت التركيز» فوق.
- لما الوقت يخلص، المنبّه هيسألك: خلصت ولا لسه؟
- لسه ← غفوة 5 أو 10 أو 15 أو 30 دقيقة.
- خلصت ← البرنامج ينقلك للخطوة اللي بعدها أوتوماتيك.
- خلصت وهكمّل بكرة ← الباقي يترحّل لبكرة.
- آخر اليوم هيظهرلك تقرير: خلصت إيه، وصرفت كام وقت، وإيه اللي عليك بكرة.
الترتيب والتعديل
اسحب أي مهمة وحطها في المكان اللي إنت عايزه. فوقها أو تحتها بيغيّر الترتيب، ولو حطيتها في نص مهمة تانية بتبقى خطوة جواها. ولو عايز تعدّل الاسم أو الوقت أو اليوم، دوس على اسم المهمة.
اختصارات الكيبورد
- مسافة تشغيل / إيقاف العدّاد
- N إضافة مهمة جديدة
- 1 2 3 التنقل بين التابات
الاشتراك
الاشتراك على حسابك — يشتغل على كل المنصات.
تجربة مجانية
مجاناً
1 يوم تجربة مجانية
- ويندوز · أندرويد · آيفون / آيباد
- حتى 3 أجهزة
أسئلة شائعة
البرنامج محتاج إنترنت؟
لأ. وقتي بيشتغل من غير نت، وبيحتاج النت بس كل كام يوم عشان يتأكد إن اشتراكك شغال.
بياناتي بتتحفظ فين؟
على جهازك إنت، في ملف تقدر تاخد منه نسخة احتياطية وقت ما تحب.
ينفع أستخدم نفس الاشتراك على الكمبيوتر والموبايل؟
أيوه. الاشتراك مربوط بحسابك، وبيشتغل على كل المنصات لحد 3 أجهزة.